Hugbúnaðarhús · Reykjavík · Stofnað 2022
K65 ehf. hannar, byggir og rekur hugbúnað sem þjónustar íslenska stjórnsýslu, ráðuneyti og stofnanir. Við beitum gervigreind markvisst og á ábyrgan hátt, við þróun, öryggi, úttektir og daglegan rekstur.
vörur í daglegum rekstri: Lögvísi, Ritstjórinn og Þýðandinn
stofnár
sérhæfing í varanlegri og öruggri vistun og vinnslu innan Evrópska efnahagssvæðisins
við tökum einnig virkan þátt í samfélagsverkefnum sem ekki eru rekin í hagnaðarskyni
Þjónusta
Verkefnin eru sérvalin og sömu aðilar fylgja þeim frá fyrsta fundi alla leið í rekstur.
Forrit fyrir Samsung Tizen og LG webOS, ásamt bakendanum sem heldur þeim gangandi. Sjónvörp setja þröng skilyrði: fjarstýring í stað músar, lítið minni og stýrikerfi sem uppfærast sjaldan.
Íslenska er fámennt mál og hefur fá málgögn. Það sem virkar á ensku virkar sjaldan óbreytt á íslensku. Við smíðum leitar- og greiningarkerfi sem skilja beygingar, samheiti og vensl orða og vísa alltaf í heimild.
Kerfi sem vinna með viðkvæm gögn þurfa að standast skoðun áður en þau eru tekin í notkun. Við smíðum þau með persónuvernd að leiðarljósi: gögnin eru vistuð innan EES, persónuupplýsingar eru ekki geymdar og allar aðgerðir eru skráðar.
Við fylgjum verkefnum alla leið: kröfugreining, hönnun, smíði, prófanir, uppsetning og rekstur. Lögvísi, Ritstjórinn og Þýðandinn eru okkar eigin vörur, smíðaðar frá grunni.
Við tökum að okkur rekstur á því sem við smíðum: vöktun, skráningu, uppfærslur og viðbrögð þegar eitthvað fer úrskeiðis.
Verk
Þrjár vörur sem við eigum og rekum, sex óháð sjónvarpsöpp og eitt samfélagsverkefni.
Lög, reglugerðir, dómar og úrskurðir kærunefnda í einni leit, með hverja fullyrðingu rekjanlega til heimildar.
Afmáning persónugreinanlegra gagna fyrir birtingu, ásamt leitanlegu safni landaupplýsinga.
Þýðingar á skjölum, myndum og lifandi viðtölum, án þess að efnið fari úr höndum stofnunarinnar.
Sex öpp á Samsung og LG sem gera efni RÚV aðgengilegt í snjallsjónvarpi. Óháð verkefni, gefins og öllum opið.
Samfélagsverkefni um læsi ungra Íslendinga, sérstaklega drengja. Unnið í sjálfboðavinnu og ekki rekið í hagnaðarskyni.
Vinnulag
Vörurnar keyra innan Evrópska efnahagssvæðisins. Utanaðkomandi þjónusta er skjalfest og samningsbundin, og alltaf er hægt að slökkva á henni.
Ritstjórinn og Þýðandinn geyma engar persónugreinanlegar upplýsingar í gagnagrunni. Frumskjalið er aðeins til í minni og hverfur þegar vinnslu lýkur.
Allar aðgerðir eru skráðar. Skráin geymir auðkenni og fjölda, aldrei innihald skjala.
Kerfin sem við smíðum eru áfram í okkar umsjón. Bakendinn á bak við sjónvarpsöppin hefur verið í okkar höndum frá 2023.
Fólkið
Hjá félaginu starfa tveir sérfræðingar. Samskipti fara beint við þau sem vinna verkið, frá fyrsta fundi alla leið í rekstur.
Hugbúnaðararkítekt
Hugbúnaðararkítekt og sérfræðingur í gervigreind með meira en tveggja áratuga reynslu af hugbúnaðarþróun á alþjóðlegum vettvangi. M.Sc. í tölvunarfræði með áherslu á gervigreind frá Háskólanum í Reykjavík og University of Alberta í Kanada.
Lögfræðingur
Lögfræðingur með sérþekkingu á EES-rétti, mannréttindum og stjórnsýslurétti. LL.M frá University College London. Hefur starfað við Mannréttindadómstól Evrópu í Strassborg og hjá Eftirlitsstofnun EFTA í Brussel.
Samband
Sendu fyrirspurn og segðu okkur frá verkefninu þínu… eða prófaðu þetta.
k65@k65.is
